Adaik baulua jo bapatuik, makanan banang siku-siku, kato bana indak baturuik,
engeran bathin nan baliku....

Adaik basandi syarak, syarak basandi kitabullah, syarak mangato adaik mamakai...

Ayam bakukuak paja manyinsiang, tabuah babunyi azanpun riuah, jagolah lalok mari sumbayang, manyambah ALLAH diwaktu subuah....

Buang siriah buang bidak, buang puluik buang tingkalang, kato nan bana dipatidak
sandi iman nan nyato kurang....

Banyak gunonyo tujuan Shalat, untuak malarang keji jo mungka, iduik salamaik dunia akhiraik, badan sehat pikiran bana.....

Biasokan anak-anak jo sumbayang, aja batauhid sarato iman, santoso dunia jo akhiraik lapeh utang ibu jo bapak....

Didalam nan duo kalarasan, adaik manjadi darah dagiang, syarak nan lazim kaimanan, adaik nan kewi nan mandindiang....

Dituruik parentah ALLAH, dipakai kato kabulatan, kok syarak taujudullah, kok adaik lah taambun jantan.....

Dek rajin pandai nan datang, dek maleh buruak tasuo, hari pagi mananti patang, insyaflah diri jo tubuah....

Dirikan shalat taruih manaruih, jikok sakik ado aturan, iduik baulemu baama tuluih sumbayang subuah jadi didikan....

Gantang dibodi caniago, cupak dikoto rang piliang, dunia alah kiamaik tibo, jalan luruih labuah basimpang.....

Gantang dibodi caniago, cupak dijadikan kasukatan, adaik mamakai syarak mangato, ujuik satu balain jalan....

Indak dapek sarimpang padi, batuan dibalah kaparaku, indak dapek bakandak hati, kahandak ALLAH nan balaku...

Tuhan ALLAH bersifat qadim, manusia bersifat kilaf, salah ka Tuhan mintak tobaik, salah ka manusia mintak maaf...

Jikok ado sumua di ladang buliah kito manumpang mandi....jikok ado kato nan salah jan di simpan di dalam hati....


.....................................................wassalam....................................................